بتغريك قصيدة يتفجر فيها معنى
يسحرك
فستان بلاغة تحضنه
فبرتعش ..
وتلم قلمك م القلق
وتشوف بقايا الحبر ف هدومك
هموم
طب ليه تخلى الشعر مجهول النسب
مع غلطة بترتكبها كل يوم
………..
فى هويد الليل
بتخبى جراحك ف قلب الضلمة
المتعبى خوف
وفاكر لسة الوقت معداش
لكن عدى
وفاكر الهوى لسة فاكرك
وبيوفيلك
مع انه بيلاعبك وع المكشوف
درويش وبترتل تواشيح
كلام وحروف
وف اخر الليل
ينام الليل ويسيبك
تردد وحدك تراتيلك
شايل لوحدك همومك
وجرح تقيل على قلبك
بتلف وحدك ف المقام
وتطوف
يهل الصبح يغنيلك
ويعشمك بكلام
ترجع تانى لمواويلك
تخبى الدمع الباقى
ف عيونك
عشان ما فاضلش معاك
مناديل
امواج بلا شاطئ
………….
عبد الله الهوارى
